Varios activistas da causa saharaui serán homenaxeados en Vigo

    BARBANZA> A Delegación no Barbanza da Asociación Solidariedade Galega co Pobo Saharaui fai un chamamento á veciñanza da comarca a participar nesta homenaxe que se celebrará o 2 de maio. Embarka Brahim, Sidi Mohamed Dadach, Fernando Peraita, Carmelo Ramírez e José Taboada serán os seis activistas homenaxeados o próximo dous de maio en Vigo, nun acto que se desenvolverá no Pazo Quiñones de Leon, onde terá lugar, en primeira instancia, unha recepción oficial e unha entrega de recoñecementos, e no parque de Castrelos, posteriormente, onde se celebrará unha comida conxunta. A homenaxe parte do Movemento Solidario do Estado Español, en recoñecemento ó traballo que estas seis persoas desempeñan pola dignidade e a liberdade do pobo saharaui. Dende a delegación no Barbanza da Asociación Solidariedade Galega co Pobo Saharaui fan un chamamento á veciñanza da comarca a asistir a este acto. Para iso será necesaria previamente a retirada dunha invitación, cun custe de 25 euros. A Delegación no Barbanza da Asociación Solidariedade Galega co Pobo Saharaui aproveitou tamén o acto para facer unha chamada de atención ás familias da comarca sobre a necesidade de poder acoller este verán a nenos procedentes dos campos de refuxiados de Tinduf, no marco do programa ‘Vacacións en Paz’, debido ás necesidades urxentes neste territorio.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí