Durán pide ó PSOE que non lle fagan a campaña con obras impulsadas polo PP

PONTEVEDRA> O candidato do Partido Popular á alcaldía de Vilanova, Gonzalo Durán, pediu esta mañá á oposición que non faga campaña por eles. Todo ven por un panfleto repartido polo PSOE no municipio no que presentan como propostas electorais rematar e inaugurar obras impulsadas nesta lexislatura polo goberno popular. A estrada de Baión, o Auditorio de Vilanova, os vestiarios do campo de fútbol do Terrón ou a reforma de Vista Real. Son algunhas das actuacións que o PSOE de Vilanova inclúe nun panfleto que repartiron polo municipio, e no que avanzan a súa intención de rematalas e inauguralas. Desde o Partido Popular recibiron esta manobra do contrincante electoral con mofa. Di o candidato Gonzalo Durán que os populares están baseando a súa campaña en reunión con veciños, non en fachendear de actuacións. Pero agradecen, di Durán, a publicidade que lles está a dar os rivais. Xa avanzara Durán que para o PP de Vilanova, o principal rival nestas municipais sería a posible abstención dos votantes, polo que quitan ferro ós argumentos dos socialistas. {flowplayer img=https://www.canalriasbaixas.com/images/ano2015/05maio/15/ppvilanova.jpg}https://www.canalriasbaixas.com/images/ano2015/05maio/15/PP_VILANOVA.mp4{/flowplayer}