Preto de 15.000 visitantes e 7.500 botellas vendidas na XLIII da Festa do Tinto

{flowplayer img=https://www.canalriasbaixas.com/images/ano2015/06xuno/08/festa_tinto_barrantes.jpg}https://www.canalriasbaixas.com/images/ano2015/06xuno/08/festa_tinto_barrantes.mp4{/flowplayer}

 

RIBADUMIA> Éxito absoluto da edición número 43 da Festa do Viño Tinto do Salnés. Durante a fin de semana, preto de 15 mil persoas achegáronse ata Barrantes para gozar da celebración e dos seus caldos, que foron os protagonistas. Non en van, a organización apunta a que se despacharon máis de 7.500 botellas.

A Festa do Viño Tinto do Salnés cumpriu esta fin de semana 43 anos, pero fíxoo cunha excelente saúde.

O balance deixa mellores resultados que os do ano pasado. Segundo a organización, preto de 15 mil persoas achegáronse ata Barrantes para non perderse a festa.

Durante os tres días non faltaron a música nin o humor, pero os protagonistas indiscutibles foron os viños, tanto Barrantes como de variedades autóctonas. Non en van, os nove postos de degustación despacharon cerca de 7.500 botellas.

O día forte foi o sábado. Ata oitenta colleiteiros concorreron ao concurso para que o seu fora escollido como o mellor viño do ano. No certame arrasaron os caldos de Barrantes: das seis distincións, cinco quedaron na parroquia. Na categoría de autóctonos, os triunfadores foron os produtores de Ribadumia. Os gañadores déronse a coñecer ante as preto de 700 persoas que asistiron á tradicional comida.

Antes do xantar, investíronse os novos Valedores da Orde do Viño tinto do Salnés: José Manuel Vázquez, presidente do club náutico O Muíño de piragüismo, o presidente de Protección Civil, Andrés Otero, o viticultor Carlos Lorenzo, o enólogo Carlos Vázquez, o presidente da asociación de Amigos do Camiño Portugués Tino Lores e o restaurador Yayo Daporta.