RIBEIRA> Como cada ano, a confraría de Aguiño iniciou as tarefas de sementeira nas súas concesións marisqueiras. Pretenden incrementar a produtividade dos bancos do Castro e a Catía de cara a garantir os bos resultados na vindeira campaña. A confraría de pescadores de Aguiño procedeu a sementar máis de trescentos quilos de cría de ameixa nos seus bancos marisqueiros. As tarefas incluíron a selección e pesado do bivalvo, procedente de varios criadeiros, cun tamaño que oscila entre os quince e os vinte milímetros. Unha vez depositada nos areais do Castro e da Catía haberá que agardar a que fixe e medre acadando o tamaño comercial co límite establecido en trinta e nove milímetros. Con esta actuación, a confraría busca incrementar a rendibilidade destas zonas marisqueiras, xa de por si moi produtivas, asegurando vindeiras campañas.
Inicio Barbanza - Muros - Noia
