POBRA> Entre outros aspectos os nacionalistas inciden na necesidade de mellorar o saneamento da Ría e recuperar os bancos marisqueiros. Para os membros do BNG da Pobra o mar é o principal motor da economía do municipio de aí a necesidade de acometer unha serie de medidas que redunden na mellora daqueles sectores produtivos relacionados con el. Aínda que non é competencia exclusiva do concello, un dos aspectos nos que se debería incidir é o saneamento integral da Ría. As dificultades polas que está a atravesar o sector marisqueiro tampouco pasan desapercibidas para os membros da formación frentista, recollendo as demandas da propia Confraría de Pescadores sobre a necesidade de acometer proxectos de rexeneración e sementado de cría en zonas degradadas ou a mortaldade do marisco, entre outros. Sen esquecer tampouco outra faceta na que o concello podería exercer un importante papel como é o da posta en valor e a promoción dos produtos do mar.
Inicio Barbanza - Muros - Noia
