VILAGARCÍA> A Copa de España Laser Radial dispútase na ría de Arousa. Esta fin de semana, Vilagarcía acollerá a competición, a penúltima para ir pechando o calendario de regatas deste ano. Entre o 9 e o 12 de outubro, ao redor de 88 participantes competirán para facerse co título.
A vela resístese a despedirse de Vilagarcía. Esta fin de semana, a vila acollerá a Copa de España de Laser Radial, que se disputará nas augas da ría de Arousa.
A proba conta xa con 88 participantes chegados de España e Portugal, homes e mulleres das categorías absoluta, sub 19 e sub 17. O día 9 estará dedicado ás medicións, mentres que o 10 e o 11 serán as clasificatorias. O 12 celebrarase a gran final.
A pesares da importancia desta proba, a regata final do calendario deste ano será a que poña o broche de ouro á tempada. Será a Copa de España de 420, na que participarán 80 embarcacións e 160 regatistas de países como Portugal, Alemaña e Turquía. A proba celebrarase entre o 29 de outubro e o 1 de novembro.
{flowplayer img=https://www.canalriasbaixas.com/images/ano2015/10outubro/07/regata_laser_radial.jpg}https://www.canalriasbaixas.com/images/ano2015/10outubro/07/regata_laser_radial.mp4{/flowplayer}
