CAMBADOS> Cambados e Rianxo iniciaban hoxe a campaña da volandeira con volume baixo de capturas para os primeiros días que fan temer o peor segundo avancen as xornadas. Os prezos tampouco auguran un gran beneficio a pesares de que a lonxa de Tragove volverá a centralizar as vendas desta especie.
As primeiras volandeiras chegaban hoxe as lonxas de Cambados e Rianxo nun inicio de campaña agridoce para os mariñeiros que aínda que non atoparon moitos problemas para chegar ao cupo máximo, 35 quilos por tripulante para o produto con destino a fresco e 50 quilos con destino a fábrica, temen o peor para os próximos días de campaña.
Na última campaña poxáronse en Tragove e Rianxo cerca de 180.000 quilos deste produto que alcanzou un prezo máximo de 10’95 euros o quilo. Este ano os prezos do primeiro día de campaña só chegaron aos 6 euros e os pescadores non auguran que melloren nos próximos días.
Ao igual que o ano pasado, a lonxa de Tragove centralizará a venda de marisco para a industria co fin de aportar algo de estabilidade aos prezos deste bivalvo.
{flowplayer img=https://www.canalriasbaixas.com/images/ano2015/11novembro/03/campana_bou_vara.jpg}https://www.canalriasbaixas.com/images/ano2015/11novembro/03/campana_bou_vara.mp4{/flowplayer}
