RIBEIRA> A Asociación Antidroga Renacer de Ribeira vén de recibir unha axuda de seis mil euros da obra social de La Caixa para continuar co desenvolvemento do seu programa de educación afectivo-sexual e de prevención de enfermidades de transmisión sexual. Dende o colectivo que preside María González agradeceuse a axuda concedida por parte de La Caixa xa que lle permitirán continuar coas intervencións preventivas incluídas no programa, dirixidas á comunidade en xeral, a través de campañas informativas e de sensibilización, e os mozos en particular, con obradoiros de educación afectivo-sexual e de sexo seguro, nos colexios e institutos. Ademais dos centros escolares ribeirenses, esta axuda permitirá estender o programa tamén os escolares do concello veciño de Porto do Son.
Inicio Barbanza - Muros - Noia
