BOIRO> Entre outras medidas a formación bota en falla unha maior dotación de partidas económicas de carácter social. Entre as propostas de carácter social Boiro Novo propón a creación dun comedor social público e a posta en funcionamento do centro de formación e o viveiro de empresas para facilitar o acceso das persoas ó mercado laboral. Outra das súas alegacións fai referencia á participación cidadá, criticando o feito de que nos ornamentos non apareza ningunha partida para que os veciños de cada unha das parroquias poidan decidir directamente cales son as súas prioridades. Boiro Novo considera ademais necesario que se retomen proxectos hoxe esquecidos polo equipo de goberno como é o caso da rehabilitación do Pazo de Goiáns, a posta en valor do edificio das Colonias, a terceira fase do saneamento do río Coroño e a apertura do párking de A Boqueira de A Negral. Tamén reclaman que o concello inste ó Ministerio de Economía e Facenda a realizar unha nova revisión catastral que permita minorar os valores catastrais dos inmobles, así como a publicación do propio documento orzamentario na páxina web municipal para que tódolos veciños poidan consultalo.
Inicio Barbanza - Muros - Noia
