BOIRO> Xosé Ramón Romero foi reelixido presidente da Federación de Empresarios do Barbanza. A súa candidatura, a única presentada, foi respaldada por unanimidade das patronais que asistiron á asemblea. Como estaba previsto, Xosé Ramón Romero, seguirá á fronte da patronal comarcal durante os próximos catro anos. A súa candidatura foi a única presentada, recibindo o apoio dun total de seis asociacións locais das nove que integran a FEB e que onte pola noite asistiron á asemblea da entidade: Mazaricos, Carnota, a Pobra do Caramiñal, Padrón, Boiro e Noia. A partir de agora ábrese a porta a catro anos que se agardan duros, xa que dentro da propia patronal existen voces discordantes coa actual xestión, como é o caso das asociacións de Rianxo e Ribeira. Esta última mesmo mostrou en prensa a súa intención de abandonar a Federación, aínda que oficialmente non presentou comunicación oficial algunha ó respecto.
Inicio Barbanza - Muros - Noia
