BOIRO> A Federación de Empresarios do Barbanza impulsa un plan de formación en colaboración coa Deputación da Coruña, o Clúster de Turismo de Galicia e a Escola de Negocios da Fundación ABANCA. O programa inclúe un total de catorce accións formativas centradas no liderado, a excelencia e o manexo das redes sociais. A Deputación da Coruña destina trinta mil euros e a Federación de Empresarios do Barbanza outros sete mil cincocentos para facer posible este ambicioso programa formativo que ten por obxecto mellorar a oferta turística e comercial da comarca. As catorce xornadas programadas, cada unha de oito horas, desenvolveranse ó longo do mes de abril nas distintas asociacións que integran a federación. As accións formativas correrán a cargo da escola de negocios AFundación e estruturaranse en tres grandes bloques: o liderado e a dirección de persoas, a excelencia no servizo ó cliente e as redes sociais. Dende a federación agardan que a formación dirixida a empresarios e traballadores contribúa á profesionalización do sector servizos, un dos piares da economía da comarca. Proximamente, asinarán un convenio co Clúster de Turismo de Galicia para contar con servizos de asesoramento para os asociados.
Inicio Barbanza - Muros - Noia
