PORTO DO SON> Detido un veciño de Porto do Son nunha operación antidroga tras interceptarse un cargamento de preto de oito toneladas de haxís a bordo dun barco ó sur de Cartagena. Os axentes de Vixilancia Aduaneira detectaron ó veleiro ‘Diosa Astarte’ con bandeira española, navegando sen rumbo fixo por unha zona onde frecuentemente se realiza o transporte de estupefacientes, denominada ruta do Mediterráneo Oriental. Tras abordar a embarcación, descubriron un cargamento de trescentos vinte fardos de resina de haxís. A operación saldouse con catro detidos: un de nacionalidade marroquí, outro boliviana e dous españois. Entre eles figura Joaquín Pérez Naveiro, veciño de Porto do Son, cun longo historial de episodios similares, entre os que figura unha condena por tráfico de drogas.
