O BNG de Ribeira pide un paso seguro para a Gándara

    RIBEIRA> Os nacionalistas levarán esta solicitude ó próximo pleno da corporación. A través dunha moción que será levada á vindeira sesión plenaria, o BNG solicítalle ó equipo de goberno que se inicien as xestións oportunas ante a Xunta, para dotar dun paso de peóns ou dun paso elevado ou soterrado o paseo fluvial do río Artes ó seu paso polo lugar da Gándara en Oleiros. Segundo os nacionalistas nese lugar o paseo vese interrompido pola estrada AC-550. Trátase dun punto con alta densidade de tráfico, no que non existen beirarrúas, e os peóns deben atravesar o vial, o que conleva unha alta perigosidade. Na moción os nacionalistas tamén reclaman unha mellor sinalización do paseo nese punto, no que non existen sinais identificativos.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí