Macaco, Seguridad Social e Susana Seivane serán os pratos fortes das festas de Ribeira

    RIBEIRA> Macaco, Seguridade Social ou Susana Seivane son algúns dos pratos fortes musicais que este martes se desvelaron na presentación das Festas do Verán de Ribeira. As celebracións, que contan cun ambicioso programa para tódalas idades, comezan o 3 de agosto. Esa noite será o pistoletazo de saída destas Festas do Verán co tradicional pregón, que este ano correrá a cargo do Físico e Divulgador Jorge Mira. Desde ese día e cada mañá ata o luns 8 de agosto, os ribeirenses espertarán ao son das Bombas de Palenque. Pasarrúas, concertos das bandas de música da zona, agrupacións tradicionais ou inchables para os cativos, deleitarán as mañás dos veciños ribeirenses, mentres que pola noite chegará a hora da verbena, da man de orquestras como Tango, Platino ou Saudade. Ademáis das actuacións musicais: venres 5 Seguridade Social, sábado 6 Macaco e domingo 7 Susana Seivane…o deporte é un dos grandes protagonistas destas festas. Haberá Campionatos de Tenis, de Pádel, Xadrez ou Fútbol. Un programa que nunca podería celebrarse sen a axuda dos colaboradores. O domingo a medianoite, coma sempre, a gran tirada de fogos de artificio poñerá o broche final a unhas festas do verán de Ribeira pensadas para veciños e visitantes.