Mar compromete numerosas melloras para os profesionais de Portosín

    PORTO DO SON> A reforma dos pantaláns do porto, a nave das redeiras e modificacións na fábrica de xeo, serán as principais melloras ás que se comprometeu a conselleira do Mar, Rosa Quintana, durante a súa visita á Confraría de Portosín. Facer un repaso polas necesidades do porto e valorar cada unha delas. Era o obxectivo da reunión que esta mañá mantivo a conselleira do Mar, Rosa Quintana, cos membros da Confraría de Portosín. Algunhas das medidas están xa están contempladas nun plan de equipamento portuario deseñado para toda Galicia, e para o resto comprométese a falar co presidente de Portos para levalas a cabo.