Pontevedra> Dende a Federación de Nais e Pais da provincia de Pontevedra presentaron esta mañá a V edición do Certame de relato curto. Unha actividade que conta con 4 categorías e na que estiman que participarán preto de 800 persoas. Ata o 28 de febreiro poden inscribirse todos os interesados enviando os seus traballos en galego cun máximo de 300 palabras por relato.
Un ano máis chega a Pontevedra o V Certame de relatos curtos con publicación. Unha actividade organizada pola Federación de Nais e Pais da provincia e na que tamén colabora o concello de Pontevedra.
Un Certame que tamén conta co apoio da Deputación de Pontevedra.
Dende a Editorial Kalandraka destacaron o persoal que vai a colaborar nesta V edición do Certame.
Poden participar neste V Certame todos os alumnos dos centros públicos da provincia e contará con catro categorías, primaria, secundaria, bacharelato e formación profesional e xa por último adultos. O relato, como sempre, deberá ser en galego e terá que ter unha extensión mínima de 200 palabras e máxima de 300.
Haberá diferentes premios para os gañadores nas distintas categorías. Os 120 finalistas formarán parte dun libro colectivo cos seus relatos. Os interesados en participar poden enviar o seu traballo ata o 28 de febreiro. Para obter toda a información poden facelo a través da web: www.nontedurmar.org.
{flowplayer img=https://www.canalriasbaixas.com/images/ano2017/01xaneiro/19/certame_relato_600px.jpg}https://www.canalriasbaixas.com/images/ano2017/01xaneiro/19/certame_relato.mp4{/flowplayer}