EU Barbanza denuncia prácticas abusivas no sector da conserva

    BOIRO> Esquerda Unida do Barbanza denuncia o reiterado incumprimento dos convenios colectivos en diversos sectores laborais. Consideran grave a situación no mundo do mar e, especialmente, na conserva. Dende o exceso de horas en quendas interminables ata o adebedamento de nóminas por parte de empresas que reciben subvencións públicas. Estas son algunhas das cuestións que Esquerda Unida quere poñer de relevancia ante a frecuente violación dos convenios en diversas empresas do sector. Insisten en que a maioría dos traballadores non se atreve a denunciar por medo a represalias e mesmo á perda do traballo. Non é o caso de Juan Manuel que decidiu demandar á empresa na que traballou durante dez anos por despido improcedente. A deputada Eva Solla recolleu as inquedanzas trasladadas polo consello comarcal de Esquerda Unida para levar ó Parlamento o debate sobre as prácticas abusivas en determinadas empresas. Consideran que a administración debe velar polo escrupuloso respecto dos dereitos dos traballadores, especialmente en aquelas firmes que se benefician de fondos públicos.

    DEIXAR UNHA RESPOSTA

    Por favor, engade un comentario!
    Por favor, engade o teu nome aquí