A empresa Jardincelas realizará a reordenación do parque de Pedra Pateira

    RIBEIRA> O executivo ribeirense informou da adxudicación provisional da reordenación e mellora do parque de Pedra Pateira. Das 28 ofertas presentadas a concurso, a actuación recaeu na firma Jardincelas, S.L., por un importe de máis de 25 mil euros, IVE incluído. O proxecto, que será financiado ó cento por cento cunha axuda da Deputación da Coruña, prevé mellorar as condicións de acceso ó parque infantil, así como reorganizar a distribución dos xogos e dotalo dun novo pavimento para reforzar a súa seguridade. Tamén está previsto a plantación de máis árbores ornamentais nas zonas máis próximas á area de xogo coa finalidade de dotar o espazo de máis zonas de sombra.