O BNG da Pobra demanda melloras no muíño de Pontebarbanza

    POBRA> O BNG da Pobra demanda melloras no muíño de Pontebarbanza para o seu uso como local social. A falla de dotación de mobiliario e o mal estado da contorna, con problemas de accesibilidade, impide que os veciños fagan uso da instalación. Os nacionalistas levarán a pleno unha moción solicitando o acondicionamento do muíño de Pontebarbanza e a súa contorna. Recollendo as demandas veciñais piden que se mellore a accesibilidade e se dote dos elementos necesarios para o seu uso como local social. Dende a inauguración do muíño, o BNG leva presentadas diversas iniciativas en relación á mellora do local que na actualidade está a ser infrautilizado. Piden ademais a limpeza da maleza no exterior e a recuperación do antigo camiño que conducía á parte baixa do muíño.