Pontevedra> Xa temos pregoeira para as festas da Peregrina do 2017. Será Conchi Pereiro, unha empresaria de Pontevedra, unha muller moi activa con todas as actividades da cidade. Para o concello é un orgullo poder contar con veciñas así na cidade. Unha maneira de premiar o bo traballo da veciñanza que tamén aposta polo modelo de cidade pontevedrés. O concello de Pontevedra desvelou esta mañá un dos segredos mellor gardados para as festas da Peregrina, o nome da pregoeira. Será Conchi Pereiro unha empresaria da cidade do Lérez que forma parte e AEMPE e colabora con Vaipolorío, dende o concello destacaron a súa faceta participativa nas actividades da Boa Vila e loitadora. De Melide de nacemento pero pontevedresa de corazón, Conchi Pereiro está encantada e orgullosa de ser neste 2017 a pregoeira das Festas da cidade, das Festas da Peregrina. O día 12 de agosto as 12 da mañá Conchi Pereira será a encargada de dar o pistoletazo de saída as Festas da Peregrina dende o Pazo de Mugartegui. Di que de momento non comezou a preparar o seu discurso. Pese a isto ten claro que a tranquilidade, seguridade e comodidade na que se viven en Pontevedra estará presente nas súas verbas.
Inicio PONTEVEDRA
