Queiman o observatorio de aves das Xunqueiras

    POBRA> Un novo acto vandálico no paseo das Xunqueiras da Pobra saldouse coa destrución do observatorio de aves na zona. Neste estado quedou o miradoiro tras un incendio presuntamente provocado que se rexistrou na madrugada do sábado. O lume estendeuse con gran rapidez pola pasarela de madeira que conectaba o observatorio, que quedou reducido a cinzas. A pesar da rápida intervención dos bombeiros, a extinción das lapas foi complicada dada a alta inflamabilidade dos materiais. Non é a primeira vez que esta área é obxecto da acción dos vándalos xa que hai uns meses apareceron rotas varias árbores que foran plantadas recentemente.