RIBEIRA> Xa esta a venda o calendario solidario de AMBAR. Nesta nova edición, os usuarios da entidade volveron posar como auténticos actores para recrear algunhas das portadas máis emblemáticas do cine español. O sempre audaz ollo do fotógrafo Pichero foi o encargado de retratalos. Pouco teñen que envexar os usuarios de AMBAR ás grandes estrelas do noso cine. Non hai máis que ver o resultado final desta carteleira flimográfica que compón o calendario solidario desta entidade. Un ano máis, a academia Yara de Ribeira e o estudio de fotografía Pichero de Noia aportaron o seu gran de area para que este proxecto fóra posible.
Inicio Barbanza - Muros - Noia
