Pontevedra> O Partido Popular de Pontevedra valorou esta mañá a conta xeral da Deputación de Pontevedra do ano 2017. A deputada Elena Muñoz criticou a ineficacia do goberno bipartito para a xestión do diñeiro dos pontevedreses, xa que neste exercicio deixou máis da metade do orzamento sen executar.
Segundo o PP provincial, dos 152 millóns de euros do orzamento da Deputación para o 2017 só se executou o 49%, e fíxose con partidas xenéricas sen atender as demandas dos concellos.
As deputadas populares lembraron que ano a ano se está a incrementar o diñeiro na caixa da Deputación, e que este ano hai 163 millóns de euros sen gastar. Lembraron que as administracións non teñen que aforrar, senón xestionar os fondos que reciben, neste caso máis do 95% do Estado, e canalizalos cara máis investimentos, recursos e servizos para os concellos.
Por último, as populares referíronse á segunda modificación orzamentaria que o Bipartito aprobou no pleno do venres, e que consideran o mellor exemplo de que por enriba se enmendan a sí mesmos.
