RIBEIRA> O escritor e xornalista Paco Lobatón presentou o seu último libro en Ribeira. ‘Te buscaré mientras viva’ recolle os casos reais de catorce desaparecidos. Conclúe cun epílogo sobre o legado de Diana Quer. A feira do libro de Ribeira estreouse por todo o alto coa presentación do último libro de Paco Lobatón. O xornalista debullou algúns dos testemuños recollidos en ‘Te buscaré mientras viva’ que relata a busca de catorce familias que perderon a algún ser querido sen deixar rastro. Yéremi Vargas, Paco Molina, Caroline del Valle ou David Guerrero integran esta longa lista de desaparicións en diferentes circunstancias pero que a día de hoxe seguen sen resolver. O encargado de introducir a presentación foi o xornalista Suso Souto, colaborador nesta publicación, quen realizou un repaso pola traxectoria profesional do autor. O libro conclúe cun epílogo sobre o legado de Diana Quer e cun chamamento á conciencia social para que todos estes casos non caian no esquecemento. Os dereitos de autor obtidos da venda do libro destinarase á Fundación Europea polas Persoas Desaparecidas QSD Global, que preside Paco Lobatón.
Inicio BARBANZA
