LOUSAME> Entre mazás, uvas ou peras, chega a Lousame a terceira edición do Encontro de Saberes e Sabores, nun ano no que a froita será a gran protagonista. Dende as once da mañá e ata as nove da noite do vindeiro domingo, dous de setembro, todo aquel que se achegue polo Campo da Festa de San Roquiño, na parroquia de Tállara, poderá desfrutar dunha degustación gastronómica de froita e hortalizas, de artesanía e de música en directo. Ademais da Festa da Froita e da mostra de cultivo de proximidade, A Asociacón Senda XXI Barbanza organizará un roteiro de cinco quilómetros que sairá e rematará no mesmo Campo da Festa. Comezará ás dez da mañá e o longo do percorrido haberá actuacións teatrais. As inscricións para o roteiro xa están abertas, tanto na páxina web como fisicamente no Concello. Destacar tamén que ás oito da tarde o mago O afiador, encargarase de entreter a cativos e maiores.
Inicio crb
