MARÍN> A parroquia mariñense de Seixo acollerá este domingo a celebración do Trofeo Virxe do Porto de ciclismo. A cita, que cumpre a súa vixésimo cuarta edición, desenvolverase entre as 10 e as 14 horas.
Deste xeito, a proba muda o seu tradicional circuíto polo casco urbano de Marín para trasladarse a Seixo. Alí, os deportistas percorrerán as rúas máis céntricas, con saída e meta no entorno do mercado.
A proba está dirixida ás categorías de escolas, cadetes, júnior, féminas cadetes e féminas júnior.
