CAMBADOS> Cambados quere celebrar por todo o alto o seu nomeamento como mellor municipio enoturístico de España. Unha das novas citas que van organizar dende o Concello é a Festa do Albariño de Inverno. O evento é herdeiro da cata de escumosos que se viña celebrando na localidade nos últimos anos.
Cambados continúa colleitando recoñecementos para o seu viño. O último, o seu nomeamento como mellor municipio enoturístico de España. Agora, o Concello quere celebralo cos veciños, con novas actividades que promocionen os caldos feitos na localidade. Un deses actos é Festa do Albariño de Inverno. Terá lugar o vindeiro 15 de decembro no Salón Peña. O acto é herdeiro da Cata de Escumosos celebrada nos últimos anos. Nel van participar a ducia de adegas que elaborar escumoso na localidade.
O 16 de novembro a delegación cambadesa recollerá en Madrid o galardón como mellor municipio enoturístico deste 2018, impulsado pola Asociación Española de Cidades do Viño e o Club de Rutas do Viño de España. Dende o Concello van convidar a tódolos alcaldes do Salnés, a representantes da Mancomunidade e ós presidentes da Deputación de Pontevedra e da Xunta.
Dende a Mancomunidade do Salnés xa confirmaron que participarán na entrega do recoñecemento. Hoxe, o seu presidente congratulou a Cambados polo traballo feito nos últimos anos.
Un ofrecemento que tivo resposta por parte do edil cambadés. José Ramón Abal solicitou á Mancomunidade ter espazo propio na vindeira edición de Fitur para divulga-lo rosario de recoñecementos acadados nos últimos anos.
