O motoclub A Rosa dos Ventos recibirá o premio especial de Poio Móvese

PONTEVEDRA > O motoclub poiense “A Rosa dos Ventos” recibirá o premio especial “Poio Móvese”. O galardón, que será entregado na gala do deporte que se celebrará o vindeiro venres, recoñece os valores deportivos que transmite o colectivo no ano no que conmemoran o décimo aniversario da concentración moteira.

O Consello Municipal de Deporte de Poio vén de recoñecer ó Motoclub A Rosa dos Ventos co premio especial “Poio Móvese”. Destaca do colectivo o fomento dos valores deportivos.

Tamén serve como agradecemento á súa implicación co municipio.

Este ano a concentración que celebran tódolos veráns cumpre o seu 10º aniversario. Pero antes desta cita, a Rosa dos Ventos, que agrupa a unha vintena de afeccionados ás dúas rodas, anuncia sorpresas.

O premio será entregado na gala do deporte “Poio Móvese”, que se celebrará o 15 de febreiro no Centro Cultural Xaime Illa de Raxó.

4 COMENTÁRIOS

DEIXAR UNHA RESPOSTA

Por favor, engade un comentario!
Por favor, engade o teu nome aquí