Unha cea benéfica para recadar fondos para Os Palleiros

PONTEVEDRA> Comeza a conta atrás para a tradicional cea benéfica da protectora Os Palleiros. A cita, que se celebrará o vindeiro 20 de xullo, serve cada ano para recadar fondos e afrontar, con un pouco máis de soltura, a época estival.

A época de verán é un dos peores momentos para a protectora dos Palleiros. Con máis de 100 cans ao seu cargo, buscan actividades coas que poidan mellorar, un pouquiño máis, a vida destes animais. Unha delas será a tradicional cea benéfica.

Como cada ano, o obxectivo principal desta cea é recadar fondos para os cans da protectora.

A cea, que se realizará no Restaurante La Brisa, de Lourido, o vindeiro 20 de xullo ten un prezo de 30 euros e as opcións gastronómicas son variadas.

Este establecemento, situado na rúa San José de Pontevedra, é un dos lugares onde podes mercar a túa entrada. Pero non é o único. Os tickets están tamén dispoñibles na no establecemento Perolas Menaje, en Marín, ou no Centro Veterinario Dogos de Monte Porreiro. Corre que voan.

DEIXAR UNHA RESPOSTA

Por favor, engade un comentario!
Por favor, engade o teu nome aquí