Os expertos analizan os novos modelos e formatos dos debates electorais televisados

PONTEVEDRA> A Facultade de Ciencias Sociais e da Comunicación acolleu hoxe o “I Congreso Internacional sobre Debates Electorais Televisados e Novas Formas de Comunicación Política”. O obxectivo deste evento é crear un manual sobre debates electorais en España que poida servir de referencia a todas as televisións. No acto participaron expertos como o exministro e exsecretario do PSOE, José Blanco, ou a exsecretaria do Estado de Comunicación, Carmen Martínez.

Elaborar un manual sobre debates electorais que sirva de referencia a todas as televisións españolas, tanto públicas como privadas. Ese é o obxectivo principal deste evento. A Facultade de Ciencias Sociais e da Comunicación acolleu hoxe o I Congreso Internacional sobre Debates Electorais Televisados e Novas Formas de Comunicación Política. Un evento no que houbo diferentes conferencias e mesas de debate nas que expertos e profesionais reflexionaron sobre o presente e o futuro deste sector.

Por este congreso pasaron en total 15 poñentes, dende un dos maiores expertos nos debates electorais de Estados Unidos, Alan Schroeder, ata a ex secretaria do Estado de Comunicación, Carmen Martínez ou o exministro e exsecretario de Organización do PSOE, José Blanco. Todos eles analizaron a evolución destes debates televisados nos últimos anos e falaron da irrupción das coñecidas como “segundas pantallas”.

O obxectivo deste evento era poder crear un modelo de referencia para todos os debates televisados.  E para iso diferentes expertos deron a súa opinión sobre cales son os modelos e os formatos que mellor se adaptan aos novos tempos.

Un congreso que pechou xa as súas portas e no que se estableceron as bases sobre as que se deberían configurar os vindeiros debates electorais. Debates como os que se celebrarán proximamente coas eleccións xerais.

DEIXAR UNHA RESPOSTA

Por favor, engade un comentario!
Por favor, engade o teu nome aquí