Ribadumia visibilizará o seu rexeitamento á violencia machista cun lazo humano

RIBADUMIA> Os escolares do Julia Becerra Malvar protagonizan o 25N en Ribadumia. Van facer un lazo humano para visibiliza-lo seu rexeitamento á violencia machista. A iniciativa enmárcase dentro do programa de actos organizados polo Concello con motivo do Día Internacional da Violencia de Xénero. Hai programadas tamén charlas e unha obra de teatro.

Ribadumia visibiliza o seu rexeitamento á violencia de xénero cun variado programa de actos. O alumnado do colexio Julia Becerra Malvar terá este ano un papel descatado. O 25 de novembro, os nenos e nenas do centro van confeccionar un lazo humano diante da Casa do Concello, ó que lle seguirá a lectura do manifesto. Hai tamén programadas varias charlas e unha obra de teatro.

Dende o Concello explican que todas estes iniciativas buscan aportar un grao de area a erradica-la violencia sobre a muller.

Nos servizos sociais do Concello, encargados da planificación do programa, din que cómpre poñe-lo foco na mocidade, educando en valores.

O persoal dos servizos sociais aproveita para lanzar unha mensaxe de esperanza ás vítimas: están á súa disposición para axudar nos peores momentos.

Na campaña deste ano tamén se suma boa parte do comercio local, tinguindo os seus escaparates de loito coa campaña ‘Ribadumia en negro’.