Pontevedra convida a Fitur a ‘seguir o seu instinto’

MADRID> ‘Sigue o teu instinto’ deixa a Fitur coa boca aberta. A Deputación de Pontevedra centrou a súa campaña deste ano na natureza e no seu compromiso co desenvolvemento sostible. A súa presentación na feira de turismo contou coa intervención de tres embaixadores de excepción: as actrices Celia Freijeiro e Jazmín Abuín e o xornalista Xabier Fortes.

A natureza foi a gran protagonista na presentación da Deputación de Pontevedra nesta edición de Fitur. A presidenta provincial puxo en valor, por riba de todo, a diversidade medioambiental que agocha a provincia.

A campaña deste ano da Deputación de Pontevedra, quere visibiliza-lo seu compromiso co medio ambiente e cun turismo sostible. Unha aposta decidida polo sector, di a presidenta, sen perder de vista os compromisos da AXENDA 2030. Porque para a Deputación de Pontevedra, a provincia ten que ser referencia en turismo respectuoso e responsable. Carmela Silva apunta tamén que o que se busca é escapar do turismo de masas.

Na presentación en Madrid, a Deputación convidou a regresar ás orixes e gozar do rico patrimonio natural e cultural da provincia. O acto estivo conducido pola actriz Celia Freijeiro, que tamén actuou de embaixadora. Canda ela, a actriz Jazmín Abuín e o xornalista Xabier Fortes.

Ademais deles, tamén actuaron como embaixadores pontevedreses varios deportistas de elite da provincia, como Pablo Dapena ou Desireé Vila.

DEIXAR UNHA RESPOSTA

Por favor, engade un comentario!
Por favor, engade o teu nome aquí