RIBEIRA> O director xeral de Maiores e Discapacidade visitou o centro de día de Agadea en Ribeira. Ildefonso de la Campa destacou a gran labor desta entidade que leva vinte e cinco anos traballando na mellora da calidade de vida dos enfermos de alzheimer.
O centro de día de Agadea en Ribeira presta na actualidade asistencia a unha trintena de usuarios. Alí, os pacientes afectados de alzheimer realizan actividades de estimulación cognitiva para retrasar o avance da doenza. O director xeral de Maiores e Discapacidade tivo ocasión de coñecer as instalacións e compartir algunhas das actividades cos usuarios.
Ildefonso de la Campa destacou o gran labor que realiza AGAdea tanto cos enfermos como coas familias ó poñer en marcha estes recursos que favorecen a conciliación.
Pola súa banda, a presidenta da asociación aproveitou a visita para plantexarlle algunhas das necesidades do centro de día así como para dar a coñecer as numerosas accións que desenvolve AGADEA, especialmente no ámbito da prevención.
