A POBRA> O concello da Pobra traballa no acondicionamento de varias pistas deportivas tanto no centro urbano como en núcleos rurais do municipio. O orzamento total das melloras, que se están a acometer en catro instalacións, supera os 7 mil euros.
Estas obras, enmarcadas no Plan de Mellora de Infraestruturas para o segundo semestre do ano, desenvolveranse en pistas deportivas exteriores. As primeiras xa están a piques de rematar nas pistas do Castelo onde se efectuou a reparación do peche perimetral.
Nos próximos días actuarase tamén nas pistas do campo da Angustia, Lamas e Andrés e o esatdio da Alta. O importe total das catro actuacións, executadas por Cerrajería Paz García S.L., supera os sete mil euros.
