167 empresas de Noia beneficiaranse do PEL Reactiva

NOIA> Noia vén de publicar o lista de empresas beneficiarias do PEL Reactiva, cofinanciado pola Deputación e o concello. Das 260 solicitudes presentadas, resolvéronse positivamente 167. O importe das axudas oscila entre os 1500 e os 3000 euros.

O PEL reactiva para Noia ascende a 300 mil euros, dos cales a Deputación da Coruña achegou 240 mil e o concello unha partida de 60 mil. Na primeira resolución que vén de publicar o concello concedéronse 167 axudas, de entre 1500 e 3000 euros.

As empresas beneficiarias dispoñen de prazo ata o 31 de marzo para xustificar a subvención. Nos casos que non xustifiquen o total do importe das axudas quedarían fondos libres para atender algunhas das solicitudes que quedaron fóra.

O concello tampouco descarta habilitar unha nova partida de fondos propios para estender as axudas ás preto de noventa empresas que non entraron nesta primeira fase.