RIBEIRA> A corporación ribeirense abordará este vindeiro luns, no transcurso da sesión ordinaria deste mes de marzo, a proposta do equipo de goberno para a adxudicación das obras do novo auditorio. A actuación, enmarcada na EDUSI ‘Máis Riveira Atlántica’, será adxudicada por un importe próximo ós catro millóns de euros,
Con máis problemas dos inicialmente previstos, debido fundamentalmente a un sobrecuste no proxecto, razón que obrigou á corporación a ter que realizar un novo concurso de licitación para a realización do futuro auditorio, a corporación debaterá este próximo luns a súa adxudicación definitiva. Segundo explicou o alcalde, a oferta mellor valorada ascende a 3’9 millóns de euros e foi presentada pola UTE de empresas formada por Xestión Ambiental de Contratas e Prace Servicios y Obras.
Segundo o rexedor, que agarda que o resto de grupos apoien a proposta do equipo de goberno, o novo auditorio converterase unha vez realizado nun centro xerador de actividade, situándose dentro dos auditorios de gran formato que existen en Galicia.
