O Camiño Marítimo estrea ‘Q de Calidade’ e centra a promoción da ría de Muros-Noia en Fitur

MADRID> A ADR Ría de Muros-Noia tivo esta mañá tamén o seu protagonismo en Fitur. En representación dos alcaldes da comarca acudiu á cita o rexedor noiés, Santiago Freire, quen destacou os numerosos atractivos que presenta este xeodestino, vinculados tamén á tradición xacobea a través do Camiño Marítimo ata Santiago que están a promocionar. Unha ruta ademais que se atopa de noraboa, xa que vén de obter a Q de Calidade. A primeira que se dá en todo o ámbito nacional.