RIBEIRA> O Conselleiro de Sanidade confirmoulle ó alcalde que non se pechará o centro de saúde de Palmeira. Á espera de que se incorpore o médico titular, actualmente de baixa, garantirase o servizo con persoal substituto.
Frutífera xuntanza entre o alcalde de Ribeira e os responsables da Área Sanitaria e do SERGAS na que lle confirmaron oficialmente que non está previsto o peche do centro de saúde de Palmeira. A previsión é que se cubra definitivamente a praza durante o último trimestre deste ano. Mentres tanto, manterase o servizo con persoal substituto que garantirá a atención no centro de saúde da localidade.
Con respecto á situación no centro de saúde de Ribeira, está prevista a creación de seis novas prazas de médico de familia na comarca do Barbanza.
