PORTO DO SON> A Sin-Son 10k chega este ano a súa 11 edición. A proba celebrarase o domingo 18 de decembro, polo que a organización decidiu abrir xa o prazo de inscrición, que se prolongará ata o 12 de decembro a través da plataforma de emesports.
Co paso dos anos a proba estase a converter nunha das carreiras máis importantes das que se celebran na nosa Comunidade, o que fai que a organización deba aumentar tamén o seu compromiso coa proba.
Dende a organización traballan tamén na posibilidade de convidar de novo a algún atleta de renome a nivel nacional ou internacional.
Tódalas novidades da carreira serán anunciadas en vindeiras datas a través das propias redes sociais do evento.
