A POBRA> Catro estudantes do Divino Maestro da Pobra participarán no programa Erasmus Plus de Mobilidade Internacional. Realizarán as prácticas dos ciclos de xestión en Portugal e en Italia co obxectivo de ampliar a súa formación e oportunidades laborais.
O Centro de Formación Profesional Divino Maestro da Pobra, que imparte os ciclos básico e medio de Administración e Xestión, súmase ó programa Erasmus + de Mobilidade Internacional para a realización de prácticas noutros países da Unión Europea.
Serán catro os mozos do centro pobrense que inauguren este programa: dous cunha estadía dun mes en Portugal e outras dúas que traballarán en Italia durante dous meses e medio.
Tras esta primeira experiencia, o centro educativo xa ten solicitado un novo proxecto Erasmus Plus para o vindeiro curso que, ademais de mobilidades do alumnado, contempal a visita de expertos internacionais de Suecia e o desprazamento de profesores do instituto pobrense para compartir experiencias e mellorar a atención á diversidade.
