PONTEVEDRA> Hoxe é 11 de marzo. Fanse 20 anos dos peores atentados da historia de España. Nesta xornada sucedéronse os actos en lembranza das vítimas, tamén aquí na nosa contorna. A corporación de Pontevedra gardou esta mañá un minuto de silencio ás 12 do mediodía.
Ademais dos membros do goberno local do BNG, tamén se uniron os representantes do PP e do PSOE. Canda a eles, funcionarios do concello e tamén o subdeloegado do goberno en Pontevedra, Abel Losada.
Logo do acto, tomou a palabra o alcalde da cidade. Miguel Anxo Fernández Lores quixo manifesta-lo sentir xeralizado da sociedade pontevedresa ante aqueles brutais atentados xihadistas de hai agora 20 anos.
Tamén transmitiu en nome de toda a corporación da cidade a súa solidariedade coas familias das vítimas e dos feridos. Dixo que feitos como estes non se deberan de ter producido nunca e que agarda que non teñamos que vivilos nunca máis.
As 11 bombas deixaron 192 vítimas mortais e unhas 1.800 persoas feridas.
