RIBEIRA> A directora xeral de Desenvolvemento Pesqueiro visitou esta mañá a lonxa de Ribeira para coñecer os últimos investimentos en maquinaria financiados con cargo á orde autonómica de axudas para equipamento. Aproveitou ademais a súa presenza na localidade para reunirse con responsables da confraría que lle demandaron apoio á formación e á rexeneración dos bancos marisqueiros.
Son moitos os equipamentos que ten implantando a lonxa de Ribeira nos últimos anos para mellorar a eficiencia das instalacións e as condicións laborais dos traballadores. A directora xeral de Desenvolvemento Pesqueiro tivo ocasión de comprobar de primeira man estes investimentos, nos que o seu departamento ten investido máis de 400 mil euros.
Tralo percorrido pola rula, a directora xeral mantivo un encontro co patrón maior e outros representantes da confrarías que lle trasladaron algunhas demandas como o apoio á formación ou a necesidade de contar con semente para mellorar a produtividade dos bancos.
