RIBEIRA> Ribeira vén de habilitar un novo aparcamento disuasorio xunto ó cemiterio municipal de Palmeira mediante o alugueiro e acondicionamento de tres fincas de particulares.
Con esta medida o executivo local busca dar resposta á supresión das prazas de estacionamento pola construción do novo carril bici.
A alcaldesa tamén informaba de que os traballadores municipais intensificaron estes días as tarefas de limpeza e mantemento dos cemiterios municipais de cara a festividade de Tódolos Santos, para que presenten o seu mellor estado.
Por outra banda a rexedora tamén comunicou que os camposantos de Ribeira e Palmeira contarán cun horario de apertura extraordinario para estes días de masiva afluencia de persoas.
