Dan comezo as obras de peonalización na Avenida General Franco de Ribeira

    Esta mesma mañá iniciáronse as obras de peonalización da Avenida General Franco no concello de Ribeira. Os traballos, que se están a realizar en varios tramos, para minimizar as molestias para os veciños, corren a cargo da empresa construtora Seixo.

    O 20 de decembro é a data prevista para a finalización da primeira fase das obras. O executivo local decidiu acomete-los traballos por tramos para minimiza-los trastornos que produzan os traballos na vida dos veciños e residentes na zona.

    O obxectivo fundamental deste proxecto é potencia-lo sector comercial da localidade mediante a creación dun centro comercial aberto nun entorno peonil. Así mesmo, pretende ser un reflexo da política do concello no referente á humanización do centro de Ribeira que ten como obxectivo dotalo de máis espazos destinados ós peóns.

    O alcalde, Xosé Luís Torres Colomer, visitou esta mañá a zona para supervisa-lo comezo das obras. Tras comproba-lo estado “in situ”, o rexedor amosou a súa satisfacción pola repidez coa que se acometeron os traballos. Así mesmo, expresou os eu convencimento de que este proxecto contribuirá a benefeciar o comercio local e á vila no seu conxento.

    Nesta liña de actuacións de cara a un urbanismo máis moderno, o concello ten previstas xa unha serie de melloras na rúa Pedro Arias e adxacentes. Esta actuación, plantexada para todo o entorno das denominadas “Casas Baratas” xa se atopa en fase de licitación.

    Redacción Barbanza