PONTEVEDRA> Os viños da denominación de Orixe Rías Baixas continúan o seu ascenso o longo dos mercados internacionais. As cifras de exportación de campaña amosan un incremento do 14 por cento en valor con respecto a campaña anterior e un crecemento do 13 por cento en volume. A razón deste ascenso pódese resumir na profesionalización do sector e nas novas plantacións.
As cifras de exportación dos caldos Rías Baixas da pasada campaña son moi esperanzadoras para todo o sector. Segundo datos do Consello Regulador as exportacións incrementáronse nun catorce por cento en valor con respecto a campaña anterior e nun trece por cento en volume. Tendo en conta que Rías Baixas exporta un quince por cento da súa producción consolidase como a denominación que máis creceu en España nos últimos anos.
Neste momento, Rías Baixas, exporta os seus caldos a máis de cincuenta países entre os que se atopan Australia, Finlandia, Nova Zelanda, Emiratos Árabes e Liechtenstein. O continente americano sigue rexistrando o maior volume cun incremento do 23 por cento, seguido pola Unión Europea. Estados Unidos é o país que máis merca os nosos viños seguido de Gran Bretaña, Porto Rico, Alemania e Suíza.
Entre os mercados con maior proxección para o Consello Regulador, atópase Xapón que aumentou as súas compras nun 17 por cento e Dinamarca cun oitenta por cento. Cabe destacar a gran evolución dos mercados potenciais como Canadá, Noruega e Suecia. Esta evolución tan positiva débese segundo a presidenta do Consello Regulados a profesionalización das adegas que contan xa cun departamento propio de exportación.
Redacción Salnés
