O Sorteo de Nadal só deixa en Galicia un quinto premio este ano

    ESPECIAL NADAL > O 20.085 foi o número agraciado co Gordo do Sorteo de Nadal con tres millóns de euros, trescentos mil euros cada décimo. O número vendeuse íntegramente na localidade barcelonesa de Vic. En Galicia só quedou parte dun quinto premio, do 25.944, que se vendeu en Serra de Outes.

    loterianadal_300_221205.jpgO premio grande foi cantado polas nenas de San Ildefonso, Eliana Gonzaga cantou o número e Aránzazu Herrera o premio. Ás doce e once minutos da mañá chegaba esta boa nova para os veciños de Vic, xa que o número foi consignado integramente na administración número 3 desta localidade de Barcelona.

    Este ano a sorte do Gordo deixou de lado a Galicia. Só quedou parte dun quinto premio, precisamente o que máis cedo saíu, o 25.944. Deste número vendéronse algúns décimos por ventanilla na administración número un de Serra de Outes, na comarca de Muros e Noia.

    Ó longo de toda a mañá, desde as nove ata a unha da tarde celebrouse este sorteo, que mantivo en vilo a boa parte de España pegada ó televisor ou á radio. Tampouco faltan anécdotas. Ás dez e once da mañá cantábase o número 14.431 un quinto premio que se corresponde coa data da proclamación da Segunda República e que lle tocou a un grupo de republicanos que levaba vinte anos xogando esa cifra.

    A táboa de premios queda do seguinte xeito:

    PRIMEIRO PREMIO: 20.085 , dotado de 3 millóns de euros, vendido en Vic.

    SEGUNDO PREMIO: 28.150, dotado cun millón de euros, vendido integramente en Valencia capital

    TERCEIRO PREMIO: 7.494 premiado con 500.000 euros a serie

    CUARTO PREMIO: 84.003 e 76.446 con 200 mil euros cada un

    QUINTOS:

                        25.944

     

                        68 395

     

                       14.431

     

                       18.486

     

                       12.741

     

                       53.863

     

                       76.734

     

                       32.474

    Redacción Salnés