RIANXO > A Mancomunidade de Municipios Arousa Norte desenvolveu esta tarde na Casa de Cultura Cuartel Vello de Rianxo un curso sobre as principais dúbidas linguísticas do galego dirixido a persoal dos concellos de Ribeira, Pobra do Caramiñal, Boiro e Rianxo.O curso estaba subvencionado pola Consellería da Presidencia.
Non tivo demasiado éxito a convocatoria da Mancomunidade Arousa Norte que esta mesma tarde desenvolveu na Casa de Cultura Cuartel Vello de Rianxo un curso sobre as principais dúbidas linguísticas do galego dirixido a persoal dos concellos de Ribeira, Pobra do Caramiñal, Boiro e Rianxo.
Ó longo da sesión, de dúas horas aproximadamente de duración, analizáronse diversos aspectos dos últimos cambios introducidos pola Real Academia Galega no ano 2003 na normativa do galego, e que a pesar de non ser moi numerosas cómpre aclarar xa que presentan innumerables dúbidas para as persoas que traballan diariamente na administración.
A clase foi na súa maioría práctica, baseándose en textos e traduccións do español ó galego, onde se podían ver algúns dos principais problemas cos que se poderían enfrontar os traballadores municipais.
Ó mesmo tempo a mancomunidade Arousa Norte vai a levar a cabo tamén a compra de diverso material linguístico para cada un dos concellos co que se pretende actualizalos coñecementos sobre a lingua galega de todo o persoal tanto laboral como funcionario destas entidades.
Redacción Barbanza
