VILAGARCÍA > O campo de fútbol da Lomba, en Vilagarcía, acolle no mes de abril a fase previa do campionato Arousa Fútbol 7. Nesta liga preliminar participan 58 equipos, algúns deles procedentes de Portugal. O primeiro encontro será o día 8 ás nove da mañá, entre o Arosa B e o Condado B.
Un total de 58 equipos participarán na fase previa do campionato Arousa Fútbol 7. A competición disputarase en dúas fins de semana no mes de abril. Os días 8 e 9 xogarán 28 equipos divididos en sete grupos.Os emparellamentos quedaron do seguinte xeito, Grupo I: Arousa B, O Condado B, Apóstol Santiago e Paulo Lamas; grupo II: San Miguel de Deiro, Xuventude Aguiño, Santa Mariña B e Calasanz; grupo III: Unión Grove, Pontevedra, Nicrariense e Alerta Travesas; grupo IV: Atlético Cuntis, Boiro, Casa Paco A e Areosa; grupo V: Catoira, Ribeira Carreira, La Salle e Augas Santas; grupo VI: Ponte Arnelas, Pobra, Valiño e Santa Mariña A; e grupo VII: Furia, O Condado A, Ciudad de Santiago e Comercial.
Os dous primeiros clasificados de cada grupo e os dous mellores terceiros serán os que accedan á seguinte fase e os que se irán eliminando ata que só queden dous equipos, que serán os que accedan á fase final.
Os días 22 e 23 de abril retomarase a fase previa coa participación de trinta conxuntos, divididos en sete grupos de cinco equipos cada un. Os trinta equipos quedaron emparellados da seguinte forma: grupo I: Xiabre-Oriola, Atlético Villar, Milladoiro, Casa Paco B e Rayo Sadense; grupo II: Unión Dena, Escola Moañesa, Compostela, Ureca e Porriño; grupo III: Cambados, Rápido Bahía, Conxo, Ordes e Pabellón: grupo IV: Vilagarcía, Xiabre-Arousa, La Base, Luis Calvo Sanz e Viveiro; grupo V: Caldas, Unión, Xuventude Oroso, Cristo de la Victoria e Hernani Gonçalves; e grupo VI: Moraña, Escola de Vilanova, Sporting Estrada, Sárdoma e Kick Off.
Neste caso, os equipos que se clasificarán para a seguinte rolda serán os seis primeiros, os seis segundos e os catro mellores terceiros. De novo, estes conxuntos iranse eliminando ata que queden os dous que obterán o seu dereito a participar na fase final do torneo. A fase previa, ó igual que o campionato, xogarase no campo da Lomba, en Vilagarcía.
Redacción Salnés
