VILAGARCÍA > O persoal do Hospital do Salnés concentrouse ante as portas do centro. O motivo é o impago dos obxectivos salariais a aqueles traballadores que durante o ano pasado estiveron de baixa por un período superior ós trinta días.
Relevándose para non deixar baleiros os seus postos, os traballadores do Hospital de Salnés manifestáronse ante as portas do centro para reivindicar os seus dereitos: cobrar íntegros os obxectivos salariais que lles corresponden. O problema afecta a facultativos, auxiliares, ATSs e personal técnico. Todos aqueles que estiveron de baixa durante máis dun mes (incluídas as baixas por maternidade) non cobraron o complemento variable correspondente ó período da baixa e que oscila en función da categoría na que traballan.
Nalgúns casos o impago estendeuse a todo o ano. En total foron un 5% do cadro de persoal os afectados o ano pasado os que deixaron de recibir, en función da categoría e de xeito proporcional, uns sete mil euros anuais no caso dos facultativos, 2.000 no dos ATSs, 1.600 no do personal técnico e 1.100 no dos auxiliares. De momento non teñen constancia de que noutros hospitais do SERGAS aconteza algo semellante e anuncian que continuarán concentrándose.
Redacción Salnés