A campioa Raquel Meaños recibida en Vilagarcía

VILAGARCÍA> Vilagarcía recibiu a campioa de España sub 20 de atletismo en pista cuberta. Raquel Meaños gañou con claridade a final disputada a semana pasada en Madrid. A atleta centrarase agora no europeo de Suecia que se celebrará en xullo.

A mellor deportista de Vilagarcía, galardón que recibiu o ano pasado Raquel Meaños, proclamouse a semana pasada campioa de España sub 20 na distancia de 800 metros. Cunha extraordinaria última volta, a galega alzouse co título nacional que se lle escapara o pasado ano.

O título é o primeiro que obtén unha vilagarciá nun campionato de España desta modalidade. Raquel Meaños foi recibida hoxe polo concello e mostrouse moi agradecida.

O goberno local agasallouna cun recoñecemento e o alcalde eloxiou o gran labor que está a facer a vilagarciá.

A campioa comezará agora a tempada en pista aberta pero o seu gran reto é o campionato europeo que se disputará no mes de xullo en Suecia.

Comments are closed.